17 urte, Zubieta eta elitea: Aiara Agirrezabalaren bidea

Aiara Agirrezabalak Espainiako selekzio absolutuarekin egin berri duen debuta Zubietan hezitako jokalari baten hazkunde etengabearen beste adibide argi bat da. Lorpen pertsonal garrantzitsua izateaz gain, azken denboraldietan Realaren egituran egindako lanaren balioa azpimarratzeko ere balio du.

Aiara klubera 2022-2023 denboraldian iritsi zen, hirugarren taldean jokatzeko. Bi urtez etengabe aurrera egin ondoren, bigarren taldera jauzia eman zuen, eta bere bilakaerak, maila lehiakorrean zein pertsonalean, lehen taldeko ateak ireki zizkion epe laburrean. Ibilbide horrek argi islatzen du Zubietan lantzen den garapen-eredua.

Lehen taldearekin Valencia CF taldearen aurka egin zuen debuta, bigarren zatia osorik jokatuz, eta egun gutxira hasieratik aritu zen Espanyolen zelaian. Denboraldi honetan, jada lehen taldearen dinamikan erabat finkatuta, urte bikaina egiten ari da: sei gol, hiru asistentzia eta historia eginez, partida batean bi gol sartu dituen jokalari gazteenean bihurtuta. Horri gehitu behar zaio selekzioaren maila guztietan izan duen presentzia, non 17 eta 19 urtez azpiko Europako txapeldun izan den.

Bestalde, Aiara kirol-ibilbidea eta ikasketa akademikoak uztartzen ari da, Realeko harrobian funtsezkotzat jotzen den beste oinarrietako bat.

Aiara Agirrezabalaren kasua Zubietan eraikitzen den bidearen beste adibide bat da: talentu gaztea, prestakuntza progresiboa eta lehen taldean benetako aukerak. Orainaldi sendoa eta etorkizun oparoa ditu Berastegiko gazteak.

#AurreraReala 🔵⚪🔵

-SUSCRÍBETE al canal oficial de la Real Sociedad ⬇
youtube.com/user/realsociedadtv

DESCUBRE más en nuestra página web 👇
realsociedad.eus

SIGUE las redes oficiales del equipo 📲
- FACEBOOK: facebook.com/RealSociedadFutbol
- X: twitter.com/RealSociedad
- INSTAGRAM: instagram.com/realsociedad
- TIKTOK: tiktok.com/@realsociedad
- WEIBO: weibo.com/realsociedad